Cancer Risk Factors (കാൻസർ അപകടഘടകങ്ങൾ ‍)

കാൻസർ അപകടഘടകങ്ങൾ

ഒരു സംഭവം നടക്കാനുള്ള സാധ്യതയാണ് അപകടസാധ്യത ( Risk) . ഒരു വ്യക്തിക്ക് ക്യാൻസർ ഉണ്ടാകാനുള്ള സാധ്യതയെ വിവരിക്കാൻ "കാൻസർ റിസ്ക്" മിക്കപ്പോഴും ഉപയോഗിക്കുന്നു.ക്യാൻസർ അപകടഘടകങ്ങളെ കുറിച്ചുള്ള ഗവേഷണം നിരവധി ആളുകളുടെ ആരോഗ്യം മെച്ചപ്പെടുത്താൻ സഹായിക്കുന്നു. ഉദാഹരണത്തിന്, പുകവലി ശ്വാസകോശ കാൻസറിനുള്ള സാധ്യത വർദ്ധിപ്പിക്കുന്നുവെന്ന് ശാസ്ത്രജ്ഞർ കണ്ടെത്തിയപ്പോൾ, പുകവലി വിരുദ്ധ പ്രചാരണങ്ങൾ ആരംഭിക്കുകയും അത് നിരവധി ജീവൻ രക്ഷിക്കാൻ സഹായിക്കുകയും ചെയ്തു.

ക്യാൻസർ വരാനുള്ള വ്യക്തിപരമായ അപകടസാധ്യത ആളുകൾ മനസ്സിലാക്കേണ്ടത് പ്രധാനമാണ്. വ്യക്തിഗത അപകട ഘടകങ്ങൾ അറിയുന്നത് നിങ്ങളുടെ ആരോഗ്യത്തെയും ശീലങ്ങളെയും കുറിച്ചുള്ള തീരുമാനങ്ങൾ എടുക്കാൻ സഹായിക്കും, അത് ക്യാൻസർ വരാനുള്ള സാധ്യത കുറയ്ക്കുകയും മുൻ ഘട്ടത്തിൽ ക്യാൻസർ കണ്ടെത്താനുള്ള സാധ്യത വർദ്ധിപ്പിക്കുകയും ചെയ്യും. പ്രാരംഭ ഘട്ടത്തിൽ കണ്ടെത്തിയ ക്യാൻസർ ചികിത്സിക്കാൻ ഏറ്റവും എളുപ്പമായിരിക്കും.

‍

സാധാരണ കാൻസർ അപകട ഘടകങ്ങൾ എന്തൊക്കെയാണ്?

‍

ഒരു വ്യക്തിക്ക് കാൻസർ വരാനുള്ള സാധ്യത വർദ്ധിപ്പിക്കുന്ന എന്തും കാൻസർ അപകട ഘടകമാണ്. മിക്ക അപകട ഘടകങ്ങളും നേരിട്ട് ക്യാൻസറിന് കാരണമാകില്ല.ഒരു അപകട ഘടകമുണ്ടെങ്കിൽ ആ വ്യക്തിയിൽ കാൻസർ തീർച്ചയായും വരും എന്നല്ല . നിരവധി അപകട ഘടകങ്ങളുള്ള ചില ആളുകൾക്ക് ഒരിക്കലും കാൻസർ ഉണ്ടാകില്ല. എന്നാൽ അപകടഘടകങ്ങൾ ഒന്നുമില്ലാത്ത ചില വ്യക്തികളിൽ കാൻസർ ഉണ്ടാവുകയും ചെയ്യുന്നു .

‍

1 പ്രായം

നിങ്ങൾ 65 വയസ്സിനു മുകളിലുള്ള കാൻസർ രോഗം കണ്ടെത്തിയ ആളാണെങ്കിൽ , നിങ്ങൾ ഒറ്റയ്ക്കല്ലെന്ന് അറിഞ്ഞിരിക്കുക . വാസ്തവത്തിൽ, കാൻസർ രോഗം കണ്ടുപിടിക്കപ്പെടുന്ന ഭൂരിഭാഗം ആളുകളും ക്യാൻസർ അതിജീവിച്ചവരിൽ ഭൂരിഭാഗവും 65 വയസ്സിനു മുകളിൽ പ്രായമുള്ളവരാണ്. ചികിത്സ തീരുമാനിക്കുമ്പോൾ നിങ്ങളുടെ മൊത്തത്തിലുള്ള ആരോഗ്യം നിങ്ങളുടെ പ്രായത്തേക്കാൾ കൂടുതൽ പ്രധാനമാണ് .

‍

2 കുടുംബാരോഗ്യ ചരിത്രം

നിങ്ങളുടെ കുടുംബാരോഗ്യ ചരിത്രം ( ഫാമിലി History) നിങ്ങളുടെ ഡോക്ടർ ആയി പങ്കിടുന്നത് പ്രധാനമാണ്. നിങ്ങൾക്കോ കുടുംബാംഗങ്ങൾക്കോ കാൻസർ ഉണ്ടെന്ന് കണ്ടെത്തിയാൽ ഇത് പ്രത്യേകിച്ചും സത്യമാണ്. കുടുംബത്തിലെ അടുത്ത ബന്ധുക്കൾക്ക് കാൻസർ ഉണ്ടെങ്കിൽ മറ്റുള്ളവർക്കും കാൻസർ വരാനുള്ള സാധ്യത കൂടുതലാണ്.

പാരമ്പര്യ ( Hereditary) കാൻസർ എന്നത് ചില പ്ര്യത്യേക ജനിതക മാറ്റങ്ങൾ ഉള്ള വ്യക്തികളിൽ ഉണ്ടായ കാൻസർ ആണ് . ഇത്തരം കാൻസർ ഒരു തലമുറയിൽ നിന്ന് അടുത്ത തലമുറയിലേക്ക് കൈമാറ്റം ചെയ്യപ്പെടുന്നു . Familial കാൻസർ എന്നും ഇത് അറിയപ്പെടുന്നു .എല്ലാ ക്യാന്സറും പാരമ്പര്യമല്ല. വാസ്തവത്തിൽ, മിക്ക ക്യാന്സറും കുടുംബങ്ങളിൽ ഒരു തലമുറയിൽ നിന്ന് അടുത്ത തലമുറയിലേക്ക് കൈമാറ്റം ചെയ്യപ്പെടാത്ത ജനിതകമാറ്റങ്ങളുടെ ഫലമാണ് . ഇത്തരം കാൻസർ ഉണ്ടാക്കുന്ന ജനിതക മാറ്റങ്ങൾ ഒരു വ്യക്തിയുടെ ജീവിതകാലത്ത് സംഭവിക്കുന്നവയാണ്, അതിനെ acquired mutations എന്ന് വിളിക്കുന്നു.

‍

ഒരു ക്യാന്സറിനെ പാരമ്പര്യ കാൻസർ എന്ന് വിളിക്കണമെങ്കിൽ

കുടുംബത്തിലെ ഒരു വശത്തിൽ ഒന്നിലധികം ബന്ധുക്കൾക്ക് കാൻസർ വന്നിട്ടുണ്ട് , അതും ചെറിയ പ്രായത്തിൽ തന്നെ
കുടുംബത്തിലെ ഒരു വ്യക്തിയിൽ തന്നെ പല അവയവങ്ങളിൽ കാൻസർ വന്നിട്ടുണ്ട്

‍

3 പുകയില

സിഗരറ്റ് പുകയിൽ ആയിരക്കണക്കിന് രാസവസ്തുക്കൾ ഉണ്ട്. അവയിൽ നൂറുകണക്കിന് ദോഷകരമായ വിഷവസ്തുക്കളാണ്, ഇതിൽ തന്നെ 65-ലധികം ക്യാൻസറിന് കരണമാക്കുന്നവ ആണെന്ന് തെളിയിക്കപ്പെട്ടിട്ടുള്ളതാണ് .ഇത്രയധികം വിഷവസ്തുക്കളും ക്യാന്സറിന് കാരണമാകുന്ന രാസവസ്തുക്കളും ഉള്ളതിനാൽ , സിഗരറ്റ് / പുകയില വലിക്കുന്നത് പലതരം ക്യാൻസറുകളുടെ പ്രധാന കാരണമായി തെളിയിക്കപ്പെട്ടിട്ടുള്ളതിൽ അതിശയിക്കാനില്ല. എന്നാൽ ക്യാൻസറിന് കാരണമാകുന്ന പദാർത്ഥങ്ങളായ carcinogen ആയിട്ട് നേരിട്ടുള്ള സമ്പർക്കം വഴി മാത്രമല്ല സിഗരറ്റ് പുക ക്യാൻസർ ഉണ്ടാക്കാനുള്ള സാധ്യത കൂട്ടുന്നത് . പുകയില ശരീരത്തിലെ അവയവങ്ങളുടെ പ്രധാന പ്രവർത്തനങ്ങളെ ബാധിക്കുകയും ഇത് വഴി ക്യാൻസറിനെതിരായ ശരീരത്തിന്റെ പ്രതിരോധ ശക്തി കുറയുകയും ചെയ്യുന്നു .

‍

പുകയില പ്രധാനമായും ശ്വാസകോശ കാൻസർ ആണ് ഉണ്ടാക്കുന്നതെങ്കിലും മൂത്രാശയ കാൻസർ , ഗർഭാശയ ക്യാൻസർ , വൻകുടൽ കാൻസർ, അന്നനാള കാൻസർ, കിഡ്നി കാൻസർ, ശ്വാസനാളം, hypopharyngeal കാൻസർ, കരൾ കാൻസർ, വായിലെ കാൻസർ, പാൻക്രിയാറ്റിക് കാൻസർ , പ്രോസ്റ്റേറ്റ് കാൻസർ മുതലായ ക്യാന്സറുകൾക്കും കാരണമാകുന്നു .സിഗരറ്റ് വലിക്കുന്നതിൽ നിന്നുള്ള കാൻസർ വരാനുള്ള സാധ്യത ഡോസിനെ ആശ്രയിച്ചിരിക്കുന്നു, അതായത് ഒരു വ്യക്തി പ്രതിദിനം എത്ര സിഗരറ്റ് വലിക്കുന്നു, എത്ര വർഷമായി അവർ വലിക്കുന്നു തുടങ്ങിയ ഘടകങ്ങളെ ആശ്രയിച്ചു അപകടസാധ്യത വർദ്ധിക്കും.

‍

പൈപ്പ്, സിഗാർ , ബീഡി വലിക്കുന്നതും ക്യാൻസറിന് കാരണമാകുന്നു. പുകവലി പൈപ്പുകൾ, ചുരുട്ട് എന്നിവയിൽ നിന്നുള്ള ക്യാൻസറിനുള്ള സാധ്യത സിഗരറ്റിനേക്കാൾ കുറവാണ്. കൂടാതെ ചവക്കുന്ന പുകയിലയുടെ രൂപങ്ങൾ ആയ പാൻ , ഖൈനി , ഗുട്ക മുതലായവയും കാൻസർ ഉണ്ടാക്കുന്നു. ഇവ കൂടുതലും വായിലും അന്നനാളത്തിലും കാൻസർ ഉണ്ടാക്കുന്നു . വലിക്കുന്ന പുകയില ശ്വാസകോശം പോലുള്ള അവയവങ്ങളെ കൂടുതൽ ബാധിക്കുന്നു .

‍

4 അമിതവണ്ണം

അമിതഭാരം എന്നതിനർത്ഥം പേശികളും അസ്ഥികളും പോലുള്ള മറ്റ് ടിഷ്യൂകളുമായി താരതമ്യപ്പെടുത്തുമ്പോൾ നിങ്ങളുടെ ശരീരത്തിൽ കൂടുതൽ കൊഴുപ്പ് ഉണ്ടെന്നാണ്. അമിതമായ ഭാരം ചിലതരം ക്യാൻസറിനുള്ള അപകടസാധ്യത വർദ്ധിപ്പിക്കുന്നു, അതുപോലെ തന്നെ ചികിത്സയ്ക്ക് ശേഷം കാൻസർ വീണ്ടും വരാനുള്ള സാധ്യത കൂട്ടുന്നു .

ശരീരഭാരം ക്യാൻസർ സാധ്യതയെ എങ്ങനെയാണ് ബാധിക്കുന്നത് എന്നതിനുള്ള നിരവധി കാരണങ്ങൾ ഗവേഷകർ കണ്ടെത്തി. ഇതിൽ ഉൾപ്പെടുന്നവ:

‍

അധിക ഭാരം നിങ്ങളുടെ ഇൻസുലിൻ, ഇൻസുലിൻ വളർച്ചാ ഘടകം-1 (IGF-1) ഹോർമോണുകളുടെ അളവ് ഉയർത്തുന്നു. ഈ ഹോർമോണിന്റെ അമിത അളവ് ചില ക്യാൻസറുകൾ തുടങ്ങാൻ സഹായിച്ചേക്കാം

‍

കൊഴുപ്പ് ടിഷ്യു ഈസ്ട്രജൻ ഹോർമോൺ കൂടുതൽ ഉത്പാദിപ്പിക്കുന്നു. സ്തനാർബുദം പോലെയുള്ള ചില ക്യാൻസറുകൾ തുടങ്ങാൻ ഈസ്ട്രജൻ സഹായിച്ചേക്കാം

‍

അമിതവണ്ണമുള്ളവരിൽ ശരീരത്തിൽ inflammation കൂടുതലാണ് . ഇത് കാൻസർ ഉണ്ടാവാനുള്ള സാധ്യത കൂട്ടുന്നു .

‍

ശരീരം കാൻസർ കോശങ്ങളുടെ വളർച്ചയെ നിയന്ത്രിക്കുന്ന രീതിയെ കൊഴുപ്പ് കോശങ്ങൾ സ്വാധീനിക്കുന്നു

‍

അമിതഭാരം കരണമുണ്ടാവുന്ന ക്യാന്സറുകൾ താഴെ കൊടുക്കുന്നു

സ്തനാർബുദം
ഗർഭാശയ അർബുദം
പ്രോസ്റ്റേറ്റ് കാൻസർ
പാൻക്രിയാറ്റിക് കാൻസർ
പിത്തസഞ്ചി കാൻസർ
തൈറോയ്ഡ് കാൻസർ
മലാശയ കാൻസർ
തലയിലും കഴുത്തിലും കാൻസർ
അന്നനാളത്തിലെ കാൻസർ

‍

5 മദ്യം

മദ്യം ക്യാന്സറിന്റെ ഒരു അപകടഘടകം ആയി തുടർച്ചയായി തെളിയിക്കപ്പെട്ടിട്ടുള്ള ഒരു വസ്തുവാണ് . ഏതു തരം മദ്യം ആയാലും ( വൈൻ , ബിയർ ) ഈ അപകടസാധ്യതയിൽ മാറ്റം ഉണ്ടാവുന്നില്ല .പുകയില ഉപയോഗം പോലെ, മദ്യപാനവും നിങ്ങൾക്ക് നിയന്ത്രിക്കാൻ കഴിയുന്ന ഒരു ക്യാൻസർ അപകടമാണ്.മദ്യം പ്രധാനമായും തല , വായിലെയും തൊണ്ടയിലെയും കാൻസർ , അന്നനാള കാൻസർ , കരളിലെ കാൻസർ , സ്തനാർബുദം , കുടൽ കാൻസർ മുതലായവയ്ക്ക് കാരണമാകുന്നു . ഒരു വ്യക്തി കൂടുതൽ കുടിക്കുന്നതിനനുസരിച്ച് ഈ ക്യാന്സറുകൾ ഉണ്ടാകാനുള്ള സാധ്യത കൂടുതലാണ്.

‍

എങ്ങനെയാണ് മദ്യം കാൻസർ സാധ്യത വർദ്ധിപ്പിക്കുന്നത്?

‍

എത്തനോൾ : ബിയർ, വൈൻ, സ്പിരിറ്റ് എന്നിവയിലെ മദ്യത്തിന്റെ രൂപമാണ് എത്തനോൾ. ശരീരം എത്തനോളിനെ വിഘടിപ്പിക്കുമ്പോൾ അത് അസറ്റാൽഡിഹൈഡ് ആയി മാറുന്നു. അസറ്റാൽഡിഹൈഡ് ഒരു കാർസിനോജൻ ആണ് .അതായത് മനുഷ്യരിൽ കാൻസർ ഉണ്ടാക്കിയേക്കാവുന്ന ഒരു കെമിക്കൽ .ഇത് ഡിഎൻഎ, പ്രോട്ടീൻ എന്നിവയെ നശിപ്പിച്ചു ക്യാന്സറിന് കാരണമാകുന്നു .

‍

ഓക്സിഡേറ്റീവ് സ്ട്രെസ് : ശരീരത്തിൽ ധാരാളം ഫ്രീ റാഡിക്കൽ ഉണ്ടാവുകയും ആവശ്യത്തിന് വേണ്ട ആന്റിഓക്സിഡന്റ്സ് ഇല്ലാതിരിക്കുകയും ചെയ്താൽ "ഓക്‌സിഡേറ്റീവ് സ്ട്രെസ്" സംഭവിക്കുന്നു. ഫ്രീ റാഡിക്കലായി കണക്കാക്കപ്പെടുന്ന "റിയാക്ടീവ് ഓക്സിജൻ സ്പീഷീസ്" അല്ലെങ്കിൽ ROS എന്ന തന്മാത്രയെ മദ്യത്തിന് ഉത്പാദിപ്പിക്കാൻ കഴിയും.

‍

ആരോഗ്യമുള്ള കോശങ്ങളെ irritate ചെയ്യുന്നതിലൂടെ : മദ്യം ഒരു irritant ആണ് . ഒരു വ്യക്തി മദ്യം കഴിക്കുമ്പോൾ, അത് വായിലെയും തൊണ്ടയിലെയും ആരോഗ്യകരമായ കോശങ്ങളെ നശിപ്പിക്കും. ആ കോശങ്ങൾ പഴയ ആരോഗ്യത്തിലേക്ക് തിരിച്ചു വരാനായി ശ്രമിക്കുമ്പോൾ , ക്യാൻസറിലേക്ക് നയിച്ചേക്കാവുന്ന ഡിഎൻഎ മാറ്റങ്ങൾ ഉണ്ടായേക്കാം.

‍

ഇസ്ട്രോജൻ ഹോർമോൺ : മദ്യം ശരീരത്തിലെ ഇസ്ട്രോജൻ ഹോർമോൺ ഉത്പാദനം കൂട്ടുന്നു . ഇത് സ്തനാർബുദം ഉണ്ടാക്കിയേക്കാം .

‍

പ്രധാന പോഷകങ്ങളെ പ്രോസസ്സ് ചെയ്യുന്നത്തിൽ പ്രശ്നങ്ങൾ : മദ്യം കഴിക്കുന്നത് പ്രധാന പോഷകങ്ങളെ ( വിറ്റാമിന് A,C, D, E, folate, carotenoids) സംസ്കരിക്കാനും ആഗിരണം ചെയ്യാനും ശരീരത്തിന്റെ കഴിവിനെ ദുർബലപ്പെടുത്തിയേക്കാം.

‍

6 വൈറൽ അണുബാധ

Human Papilloma Virus ( HPV) , Hepatitis വൈറസ്

ഹ്യൂമൻ പാപ്പിലോമ വൈറസ് (HPV) ഒരു സാധാരണ വൈറസാണ്. ഇത് സാധാരണയായി ഒരു വ്യക്തിയിൽ നിന്ന് മറ്റൊരാളിലേക്ക് ചർമത്തിലൂടെയുള്ള സമ്പർക്കം വഴി പടരുന്നു.HPV യുടെ 150-ലധികം തരങ്ങൾ അല്ലെങ്കിൽ "സ്ട്രെയിനുകൾ" ഉണ്ട്. മിക്ക HPV അണുബാധകളും രോഗലക്ഷണങ്ങളോ ആരോഗ്യപ്രശ്നങ്ങളോ ഉണ്ടാക്കുന്നില്ല, അതിനാൽ ശരീരത്തിൽ ഉണ്ടെങ്കിൽ പോലും വൈറസ് ഉണ്ടോ എന്ന് നിങ്ങൾക്ക് അറിയാൻ സാധിക്കില്ല . എന്നിരുന്നാലും, ചില തരത്തിലുള്ള HPV ക്യാൻസറിന് അല്ലെങ്കിൽ ക്യാൻസറായി മാറുന്ന അസാധാരണ വളർച്ചകൾക്ക് കാരണമാകുന്നു.ഈ വളർച്ചകളെ പ്രീ ക്യാൻസറസ് ലീഷൻസ് ( precancerous lesions) എന്ന് വിളിക്കുന്നു.

HPV യിൽ തന്നെ low risk വൈറസുകൾ ക്യാൻസറിന് കാരണമാകുന്നില്ല . മറ്റ് തരത്തിലുള്ള HPV കൾ ഉയർന്ന അപകടസാധ്യതയുള്ള ( high risk) HPV എന്നറിയപ്പെടുന്നു. ശരീരത്തിന്റെ പ്രതിരോധ സംവിധാനത്തിന് പലപ്പോഴും ഈ അണുബാധയെ തടയാൻ സാധിക്കും .എന്നാൽ ചിലരിൽ ഈ അണുബാധ തുടർച്ചയായി ഉണ്ടാവുകയും ഇത് ക്രമേണ കോശങ്ങളിൽ മാറ്റം ഉണ്ടാക്കി precancer lesion ആയി മാറുന്നു

HPV കാരണം ഏത് തരത്തിലുള്ള ക്യാൻസറാണ് ഉണ്ടാകുന്നത്?

ഗർഭാശയ കാൻസർ : HPV മിക്കവാറും എല്ലാ സെർവിക്കൽ ക്യാൻസറുകൾക്കും കാരണമാകുന്നു. HPV-യുമായി ബന്ധപ്പെട്ട സെർവിക്കൽ ക്യാൻസറിന്റെ 70% വും HPV-16 അല്ലെങ്കിൽ HPV-18 മൂലമാണ് ഉണ്ടാകുന്നത്. എച്ച്‌പിവി ഉള്ള സ്ത്രീകളിൽ സെർവിക്കൽ ക്യാൻസറിനുള്ള സാധ്യത പുകവലി വർദ്ധിപ്പിക്കും.

‍

വായിലെ കാൻസർ : HPV വായിലും നാവിലും ക്യാൻസറിന് കാരണമാകുന്നു . HPV സംബന്ധമായ ഇത്തരം ക്യാൻസറുകൾ വർദ്ധിച്ചുകൊണ്ടിരിക്കുകയാണ്.

‍

മറ്റ് ക്യാന്സറുകൾ : മലദ്വാരം, penile , യോനി, vulvar

‍

7 ചില കെമിക്കൽസ്

Aflatoxins

Aristolochic Acids

Arsenic

Asbestos

Benzene

Benzidine

Beryllium

1,3-Butadiene

Cadmium

Coal Tar and Coal-Tar Pitch

Coke-Oven Emissions

Crystalline Silica (respirable size)

Erionite

Ethylene Oxide

Formaldehyde

Hexavalent Chromium Compounds

Indoor Emissions from the Household Combustion of Coal

Mineral Oils: Untreated and Mildly Treated

Nickel Compounds

Radon

Secondhand Tobacco Smoke (Environmental Tobacco Smoke)

Soot

Strong Inorganic Acid Mists Containing Sulfuric Acid

Thorium

Trichloroethylene

Vinyl Chloride

Wood Dust

‍

8 റേഡിയേഷൻ

‍

അപകടഘടകങ്ങൾ ചിലതു ഒഴിവാക്കുകയോ മിതമായി ഉപയോഗിക്കുകയോ ചെയ്യാം. പ്രായമാകുന്നത് പോലുള്ള ചില അപകട ഘടകങ്ങൾ ഒഴിവാക്കാനാവില്ല. അപകട ഘടകത്തിന്റെ തരം മാത്രമല്ല,എത്ര അളവ്, എത്ര തവണ, എപ്പോൾ എക്സ്പോഷർ സംഭവിക്കുന്നു എന്നതും പ്രധാനമാണ്.

‍